ԵՐԵՎԱՆ, 23 ապրիլի — Sputnik. Երևանի շենքի տանիքներից մեկում այսօր ական են հայտնաբերել։ Այս մասին տեղեկացնում է ՀՀ ԱԻՆ մամուլի ծառայությունը։
Ապրիլի 23-ին, ժամը 10:01-ին «911» ծառայությանն ահազանգ է ստացվել, որ Երևան քաղաքի Աղբյուր Սերոբի փողոցի թիվ 6 շենքի տանիքում հայտնաբերվել է ական. անհրաժեշտ է փրկարարների օգնությունը:
Դեպքի վայր են մեկնել ՀՀ ԱԻՆ ՓԾ Ճգնաժամային կառավարման ազգային կենտրոնի օպերատիվ և Քաղաքացիական պաշտպանության վարչության ինժեներասակրավորական խմբերը:
ԱԻՆ–ը խոստանում է տրամադրել լրացուցիչ ինֆորմացիա։
