ԵՐԵՎԱՆ, 6 ապրիլի — Sputnik. Հայաստանում վերջին քսան տարիների ընթացքում մանկաբույժները գրեթե կրկնակի անգամ պակասել են։ Այս մասին ուրբաթ Երևանի պետական բժշկական համալսարանում կազմակերպած գիտաժողովի ժամանակ ասաց բժշկական գիտությունների թեկնածու, ԵՊԲՀ մանկաբուժության ամբիոնի վարիչ
Միության փլուզումից հետո առաջին տարիներին նրանք մոտ 1840–ն էին, այսօր` հազարից մի փոքր պակաս։ Բարեբախտաբար, վերջին 2-3 տարվա ընթացքում այդ մասնագիտությունն ընտրողների թիվը կրկին մեծանում է, ավելացրեց նա։
«Այժմ մեզ համար կարևորագույն խնդիրներից մեկը որոշելն է, թե արդյո՞ք անհրաժեշտ է մանկաբուժությունն առանձին ֆակուլտետի վերածել, թե շարունակել նախապատրաստել ոչ թե մանկաբույժների, այլ ընտանեկան բժիշկների», – ավելացրեց համալսարանի ռեկտոր Արմեն Մուրադյանը։
Մի շարք խնդիրներ կարելի է լուծել ճիշտ պրոցեդուրաներով, նույնիսկ առանց լրացուցիչ սարքավորումների։ Դրանցից մեկը ժառանգական հիվանդությունների վաղ բացահայտումն է (մասնավորապես` ֆենիլկոնտուրիայի և հիպոթիրիոզության)։
Մյուսը, որը ոչ պակաս կարևոր է, երեխաներին կրծքով կերակրելն է։ Երբ երեխան մեծանում է արհեստական կերեր ուտելով` առաջին 1-2 տարիները ի ուրախություն ծնողների և բժիշկների, նա քաշ է հավաքում։ Սակայն նույն այդ տարիներին արյունատար անոթների փոփոխություններ են դիտվում, որոնք հետագայում կարող են սրտանոթային հիվանդությունների պատճառ դառնալ, ավելացրեց Բաղդասարյանը։
Մայրական կաթի վերաբերյալ կառավարությունը նույնիսկ հատուկ հայեցակարգ է ընդունել։ Կաթն, իհարկե, դրանից դեռ չի ավելացել, սակայն հղիության շրջանում ապագա մայրերին պոլիկլինիկաներում ավելի ակտիվ են սկսել խորհուրդ տալ` ինչ ուտել և ինչ կենսակերպ վարել, որպեսզի գործին ինչ-որ կերպ օգնեն։
Սակայն կան նաև հաջող օրինակներ։ Դրանցից մեկը` նորածինների մոտ Նեկրոզային էնտերոկոլիտի կանխարգելումն է։ 2016 թվականին Երևանի հիվանդանոցներից մեկում նման ախտորոշմամբ 70 երեխա է եղել, որոնցից 15-ին չի հաջողվել փրկել։ Կլինիկայի մասնագետին ուղարկել են Ավստրիա կանխարգելման նոր մեթոդների ուսուցման համար։ Արդյունքը գերազանցեց ակնկալիքները. 2017 թվականի ընթացքում այդ ախտորոշմամբ մահացությունների դեպքերը կրճատվեցին և հասան զրոյի։
Միավորելով խնդիրների և ձեռքբերումների ողջ պատկերը`մոտ ամիսների ընթացքում համալսարանը կորոշի, ինչպես կազմակերպել մանկաբույժների նախապատրաստումը և ինչպես այդ բաժին նոր ուսանողների ներգրավել։
