ԵՐԵՎԱՆ, 5 ապրիլի — Sputnik. Վրաստանի արևմուտքում գտնվող Տղիբուլի քաղաքում հանք է փլուզվել։ Պատահարի հետևանքով 6 մարդ զոհվել է, կան վիրավորներ, հայտնում է Sputnik Գրուզիան։
Ըստ տեղեկությունների՝ փլուզումը տեղի Է ունեցել ժամը 04:00-ի սահմաններում: Միջադեպի մանրամասներն առայժմ հայտնի չեն:
Լրագրողների հետ հանդիպմանը Վրաստանի արհմիության ներկայացուցիչ Թենգիզ Դոլաբերիձեն հայտնել է, որ նախնական տեղեկություններով 6 հանքափոր զոհվել է, 3-ը՝ վիրավորվել են։
Նախնական տվյալներով՝ փլուզման պատճառը հանքահորի պատի ձևախեղումն է եղել։
