Նավաստիները ստիպված են ապրել 5 տոննա փտող ձկան կողքին, իսկ սահմանապահները երկար ժամանակ թույլ չէին տալիս նավից դուրս բերել թափոններով բաքը։ Փաստաբան Դմիտրի Շերբինան հայտնել է, որ ուկրաինական սահմանապահների կալանավորած «Նորդ» նավի կապիտան Վլադիմիր Գորբենկոյի ինքնազգացողությունը վատացել է անմարդկային պայմանների պատճառով,նրան հիվանդանոց են տեղափոխել։
Ուկրաինայի սահմանապահները «Նորդ» նավը կալանավորել են մարտի 25-ին։ Ռուսական դրոշի ներքո Ազովի ծով դուրս եկած ձկնորսական նավում եղել են անձնակազմի 10 անդամերը, բոլորը` Ռուսաստանի Դաշնության քաղաքացի։
Նավաստիների ու նրանց ներկայացուցիչների խոսքով` սահմանապահներն ու Ուկրաինայի անվտանգության ծառայության աշխատակիցները մշտապես նվաստացնում են «Նորդի» անձնակազմին։ Նավի տերը հայտարարել է, որ կալանավորումն անօրինական է, իսկ ուկրաինական սահմանապահների գործողություները վտանգավոր են անձնակազմի համար։
Մոսկվան բողոքի նոտա է հղել Ռուսաստանում Ուկրաինայի հարցերով հավատարմատարին և Կիևից պահանջել անհապաղ ազատ արձակել ՌԴ քաղաքացիներին։ Հավատարմատարին ասել են, որ նավաստիներին անմարդկային պայմաններում են պահում։ Ռուսական կողմը հորդորել է նաև նավը վերադարձնել տիրոջը։ Ղրիմի Անվտանգության դաշնային ծառայության վարչությունը գործ է հարուցել «Օդանավի կամ ջրային տրանսպորտի կամ երկաթուղային շարժակազմի հափշտակում» հոդվածով։
