ԵՐԵՎԱՆ, 5 ապրիլի — Sputnik. Ուկրաինայի անվտանգության ծառայությունը (ՈԻԱԾ) կասկածում է Ադրբեջանի բնակիչ Ալեքսանդր Գրիգորյանին Կիևում 2017թ-ի հոկտեմբերին Espreso.TV հեռուստաալիքի մոտ ահաբեկչական գործողություն կատարելու մեջ, հաղորդում է LB.ua պարբերականը` հղում անելով ՈՒԱԾ նախագահ Վիկտոր Կոնոնենկոյին։
Պատվիրատուի անունը դեռ պարզ չէ, բայց հայտնի են կատարողները։ Նրանք են Ադրբեջանի բնակիչ Ֆելիքս Գրիգորյանը (1974թ-ին ծնված), Վոլինի բնակիչ Իգոր Նիկոլաևիչ Լիսակը (1980 թ-ին ծնված), ինչպես նաև Միխայիլ Անատոլևիչ Մյատնիխը (1981թ.)։
Հետաքննության տվյալներով` նրանցից երկուսը թաքնվում են Ռուսաստանի տարածքում, իսկ Մյատնիխը ձերբակալված է։
Գրիգորյանին և Լիսակին հեռակա կարգով հաղորդել են կասկածանքի մասին և հետախուզություն հայտարարել։
«Հանցագործության կազմակերպիչը տղամարդ է, որի ինքնությունը դեռ չի պարզվել, նա ՌԴ զինված ուժերի գլխավոր շտաբի ներկայացուցիչ է, որը ժամանել է Ուկրաինա և 2017թ-ի սեպտեմբերի 9-11-ը և 2017թ-ի հոկտեմբերի 10-13-ն այնտեղ գտնվել ` Գրիգորյանի հետ Լիսակին ծանոթացնելու և առաջադրանքն ասելու համար», — ասել է Կոնոնենկոն։
ՈՒԱԾ հետաքննության ժամանակ հարցաքննել են 800 մարդու, զննել ավելի քան 112 տեսախցիկների ձայնագրություններ, որոնք տեղադրված են եղել ահաբեկչության վայրի մոտ, վերծանել 10 հազար բաժանորդների հեռախոսային զանգերը։
Հետաքննությունը կարծում է, որ ահաբեկչության նպատակը եղել է պատգամավոր Իգոր Մոսիյչուկի սպանությունը։
Հիշեցնենք, որ 2017թ-ի հոկտեմբերի 25-ին Կիևում` «Էսպրեսո» հեռուստաալիքի գրասենյակի մոտ, տեղի է ունեցել պայթյուն, որի հետևանքով մահացել են երկու հոգի, վիրավորվել` երեքը, այդ թվում` Մոսիյչուկը և քաղաքական Վիտալի Բալան, որոնք միանգամից հոսպիտալացվել են և վիրահատվել։
Պայթյունը որակել են որպես ահաբեկչական գործություն, իսկ հետաքննությունը հանձնարարել են ՈՒԱԾ-ին։
