ԵՐԵՎԱՆ, 1 ապրիլի — Sputnik. Կեմերովոյի շրջանի նահանգապետ Աման Տուլեևը հայտարարել է սեփական դիմումի համաձայն զբաղեցրած պաշտոնը լքելու մասին, հաղորդում է շրջանային վարչության մամուլի ծառայությունը։
Նա հրաժարականի մասին դիմումը ներկայացրել է Ռուսաստանի նախագահի անունով։ Տուլեեևն իր որոշումը, որը տեղադրված է Կեմերովոյի մարզի վարչության կայքում, անվանել է «միակ ճիշտը» Կեմերովոյում տեղի ունեցած ողբերգությունից հետո։
«Սա համարում եմ գիտակցված, միակ ճիշտ որոշումը, որովհետև նման ծանրագույն բեռով չի կարելի զբաղեցնել նահանգապետի պաշտոնը, բարոյապես չի կարելի», — ասել է նա։
Տուլեևը նշել է, որ ինչ կարողացել է, արել է և ևս մեկ անգամ խորը ցավակցություններ է հայտնել զոհերի հարազատներին։
«Բայց պետք է ապրել, շարունակել ապրել՝ պահպանելու համար նրանց հիշատակը, ում կորցրել ենք», — հավելել է նահանգապետը։
73-ամյա Տուլեևը գլխավորել է շրջանը 1997թ-ից։
Կեմերովոյի շրջանի կանոնադրության համաձայն՝ շրջանի ղեկավարի պարտականությունները կկատարի նահանգապետի առաջին տեղակալը։
