ԵՐԵՎԱՆ, 24 մարտի — Sputnik. Ուկրաինայի հայերի միության «Շնորհակալություն կրկին ծաղկելու հնարավորության համար» խորագիրը կրող տեսահոլովակը, որը նվիրված է Հայոց ցեղասպանության զոհերի հիշատակին, կմասնակցի Կաննի 71-րդ կինոփառատոնին: Այս մասին հայտնում է միության մամուլի ծառայությունը
Կինոփառատոնի ընթացքում տեսահոլովակը կցուցադրվի ոչ մրցութային CANNES SHORT FILM CORNER ծրագրի շրջանակում:
Այս տեսահոլովակն արդեն իսկ մասնակցել է միջազգային կինոփառատոների, մասնավորապես` Ուկրաինայի Molodiya Festival սոցիալական գովազդի փառատոնում երրորդ տեղն է զբաղեցրել։
Հայոց ցեղասպանության մասին պատմող տեսահոլովակը նկարահանել են ռեժիսոր-անիմատորներ Անդրանիկ Բերբերյանն ու Անդրեյ Լիդագովսկին։
