ԵՐԵՎԱՆ, 24 մարտի — Sputnik. Այսօր «Դիլիջան» ազգային պարկի Հաղարծին տեղամասի 5-6 րդ պահաբաժիններում հրդեհի նոր օջախ է հայտնաբերվել: Այս մասին հայտնում է բնապահպանության նախարարի մամուլի քարտուղար Մարինե Կարապետյանը։
«Ըստ նախնական տեղեկության՝ կրակը բռնկել էր համայնքային տարածքում, բայց քամին այն տարածում է դեպի անտառային հատված»,- ֆեյսբուքյան իր էջում գրել է Կարապետյանը։
Նա նշել է, որ ԱԻՆ-ը տեղեկացված է, հրշեջները մոտենում են, տեղում հրդեհաշիջման աշխատանքներ են իրականացնում պարկի աշխատակիցները։
