Սուրեն Սարգսյանի խոսքով` թեպետ Բակո Սահակյանին հրավիրող կողմը հայկական կազմակերպություններն էին, բայց եթե ամերիկյան կողմը չցանկանար, այս այցը տեղի չէր ունենա։
Քաղաքագետը հիշեցնում է, որ ԵԱՀԿ Մինսկի խմբի ներկայացուցիչներն էլ մշտապես ասել են, որ թեպետ ԼՂՀ–ն բանակցությունների ֆորմալ կողմ չէ, բայց պետք է հաշվի առնվի Արցախի ժողովրդի կարծիքը։
«Եվ բնական է, որ ՄԽ համանախագահները, տարածաշրջանային այցերի ժամանակ գնում են Արցախ և Ստեփանակերտում հանդիպում են ղեկավարության հետ։ Սա նշանակում է, որ դե ֆակտո Արցախի կարծիքը միշտ լսվում է։
Կարևոր է Բակո Սահակյանի այցը ԱՄՆ և հանդիպումները կոնգրեսում։ Այս ձևաչափով հանդիպումներ չեն եղել։ Ադրբեջանի բարձրացրած հիստերիան էլ ավելի նպաստեց, որ այս այցը քաղաքական առումով կարևորություն ստանա»,–նշում է Սարգսյանը։
Քաղաքագետը նշում է, որ 6 օր շարունակ Արցախի ղեկավարը Վաշինգտոնում մի շարք կարևոր հանդիպումներ է ունենալու նաև ուղեղային կենտրոնների հետ։
