ԵՐԵՎԱՆ, 26 փետրվարի — Sputnik. Թուրքիայի 15 կին քաղաքացու Բաղդադի քրեական դատարանը մահապատժի է դատապարտել. նրանք մեղադրվում են «Իսլամական պետություն» (ԻՊ) ահաբեկչական կազմակերպության անդամ լինելու մեջ: Այս մասին տեղեկացնում է ermenihaber–ը։
Թուրքիայի քաղաքացի մեկ այլ կին ահաբեկիչ էլ իրաքյան դատարանի կողմից դատապարտվել է ցմահ ազատազրկման: Նշվում է, որ բոլոր մեղադրյալներն ընդունել են իրենց մեղքը:
2017-ի դեկտեմբերին ԻՊ-ի նկատմամբ հաղթանակ տարած Իրաքում ահաբեկչական կազմակերպության անդամների կամ նրանց ազգական հանդիսացող ավելի քան 560 կին է ձերբակալվել: Փորձագետների կարծիքով Իրաքում ԻՊ-ի անդամ լինելու մեղադրանքով ձերբակալվածների թիվն այս պահին անցնում է 20 հազարը:
Իրաքյան օրենքներով խիստ պատիժներ են սահմանված բոլոր նրանց համար, ովքեր որևէ աջակցություն են ցուցաբերել «Իսլամական պետություն» ահաբեկչական կազմակերպությանը:
