ԵՐԵՎԱՆ, 24 փետրվարի — Sputnik. Սոմալիում երկու պայթյունի հետևանքով զոհվել է 38, վիրավորվել` 20 մարդ։ Այս մասին հայտնում է ՌԻԱ Նովոստին` հղում անելով Ալ-Ջազիրային։
Այսօր երեկոյան Սոմալիի մայրաքաղաք Մոգադիշոյի կենտրոնում երկու ավտոմեքենաներ են պայթել։
AAMIN Ambulance transported Victims to Hospital caused car explosion near Fiyad Hotel the more information will notes as soon as possible pic.twitter.com/L4rTgi20Ek
— Aamin Ambulance (@AaminAmbulance) 23 февраля 2018 г.
Մեքենաներից մեկը պայթել է նախագահական պալատի մոտակայքում, մյուսը` հյուրանոցի մոտ։ Պայթյունին հաջորդել են կրակոցները։
Պայթյունի պատասխանատվությունը ստանձնել է «Աշ Շաբաբ» արմատական խմբավորումը, որը սերտ կապեր ունի «Ալ Քայիդա» ահաբեկչական խմբավորման հետ և զինված պայքար է մղում Սոմալիի կենտրոնական կառավարության դեմ` խանգարելով ՄԱԿ-ի մարդասիրական գործունեությանը։
