ԵՐԵՎԱՆ, 20 փետրվարի — Sputnik. Թուրքիան չպետք է Նիդեռլանդներից պահանջի ներողություն խնդրել։ Sputnik Արմենիայի թղթակցին նման տեսակետ հայտնեց Նիդեռլանդների Ներկայացուցիչների պալատի պատգամավոր Ժոել Ֆորդևինդը։
Ֆորդևինդը՝ պահպանողական, բողոքական «Քրիստոնեական միություն» (Christen Unie) կուսակցության պատգամավորը, մի քանի տարի ներկայացել է Հայոց ցեղասպանությունը ճանաչելու բանաձևով։ Երբ Թուրքիայի և Նիդեռլանդների հարաբերությունները սրվեցին, իշխող կոալիցիան այդ բանաձևը հարմար միջոց համարեց Անկարային «խայթելու» համար։
Այդուհանդերձ, փաստաթուղթն ընդունվել է։ Ինչպես նշեց Ֆորդևինդը, դրանում հիշատակվում են թե՛ հայերը, թե՛ այլ քրիստոնյա ժողովուրդներ (հույները և ասորիները), որոնք Օսմանյան կայսրությունում ենթարկվել են զանգվածային բնաջնջման։
Այժմ Թուրքիայի և Նիդեռլանդների հարաբերությունները լարված են։ Բայց Ֆորդևինդը կարծում է, որ դրանք կարելի է վերականգնել, եթե Թուրքիան դադարի Նիդեռլանդներից պահանջել, որպեսզի այն ներողություն խնդրի և դուրս բերի Աֆրին ներխուժած իր զորքը, քանի որ ՄԱԿ-ի չափանիշներով օրինական ինքնապաշտպանության մասին Թուրքիան համոզիչ փաստարկներ չունի։ Այս կարծիքին է Ֆորդևինդը։
«Ինչ վերաբերում է Հայոց ցեղասպանությանը, հուսով եմ, որ ապագայում Թուրքիան կընդունի այն և Հայաստանի հետ հաշտեցման ուղիներ կգտնի։ Դա շատ ժամանակ կպահանջի, բայց ես հույս ունեմ, որ նման բան տեղի կունենա», — ավելացրեց նա։
Հիշեցնենք, որ մոտ մեկ տարի առաջ Թուրքիայի և Նիդեռլանդների հարաբերությունները սրվել էին։ 2017 թվականի մարտին երկրի իշխանությունները թուրք նախարարներին թույլ չտվեցին քարոզչություն իրականացնել տեղի թուրքերի շրջանում։ Այն ժամանակ Թուրքիայի ԱԳՆ ղեկավար Մևլյութ Չավուշօղլուն ցանկանում էր կոչ անել նրանց հանրաքվեի ժամանակ քվեարկել հանուն նախագահ Էրդողանի իրավասությունների ընդլայնման։ Սակայն Նիդեռլանդների իշխանությունները ոչ միայն թույլ չտվեցին իրենց տարածքում քարոզել, այլև արգելեցին նրա ինքնաթիռի վայրէջքը։ Այդ ժամանակ Էրդողանը Նիդեռլանդների իշխանությանը մեղադրեց նացիզմի մեջ։
Նիդեռլանդներից արտաքսեցին Թուրքիայի` ընտանիքի և սոցիալական քաղաքականության նախարար Ֆաթիմա Բեթյուլ Սաիյան Կայային, իսկ ԱԳՆ ղեկավար Մևլյութ Չավուշօղլուն թույլ չտվեցին մուտք գործել երկիր։
