ԵՐԵՎԱՆ, 15 փետրվարի — Sputnik. ՀՀ ԱԺ պետաիրավական հանձնաժողովի նախագահ Հրայր Թոմվասյանը վաղը հրաժարականի դիմում կներկայացնի։
Այս մասին այսօր ՀՀԿ ԳՄ նիստի ավարտին լրագրողներին հայտնեց ՀՀԿ խոսնակ Էդուարդ Շարմազանովը` հավելելով, որ Թովմասյանն առաջադրվել է ՀՀ ՍԴ անդամի պաշտոնում։ Նրան հանձնաժողովի նախագահի պաշտոնում, ըստ Շարմազանովի, կփոխարինի նախկին դատախազ, պատգամավոր Գևորգ Կոստանյանը։
Լրագրողների հարցին, թե ով է փոխարինելու Հրայր Թովմասյանին ԱԺ ՀՀԿ խմբակցությունում, Էդուարդ Շարմազանովը դժվարացավ հստակ պատասխանել, բայց նշեց, որ ՀՀԿ նախընտրական ցուցակում հաջորդը ԱԺ նախկին պատգամավոր Տաճատ Վարժապետյանն է։
