ԵՐԵՎԱՆ, 15 փետրվարի — Sputnik. Երևանի ավագանու ՀՀԿ-ական անդամները վերջին դեպքերից հետո հետին թվով սկսել են մեղադրել Դաշնակցությանը՝ «ախր, ինչո՞ւ չմասնակցեցին Երևանի ընտրություններին։ Այս մասին գրում է «Հրապարակ» օրաթերթը։
«Օրենքը նախատեսում էր, որ գոնե երեք ուժ պետք է անցնի ավագանի, և եթե ՀՅԴ-ն մասնակցեր, հաստատ կանցներ, ու «Երկիր ծիրանիի» փոխարեն կունենայինք «ադեկվատ» խմբակցություն,- ասում են նրանք»,- նշված է հոդվածում։
Ըստ թերթի` սակայն ամբողջ հարցն այն է, որ ՀՅԴ-ն ինքը չէր որոշում իր մասնակցել-չմասնակցելը, և չմասնակցելու հարցում էլ պետք է մեղադրել ոչ թե դաշնակցականներին, այլ հենց իրենց՝ ՀՀԿ ղեկավարությանը։
