Արմենուհի Մխոյան, Sputnik.
Ասլամազյան քույրերի կյանքը բավականին հետաքրքիր է։ Քույրերը ծնվել են Երազգավորս գյուղում, նկարչական նախնական կրթությունը ստացել Ալեքսանդրապոլում (այժմ` Գյումրի)։ Տեղի նկարչական ստուդիան մեծ դեր է խաղացել քույրերի կայացման գործում, ինչը նրանք «փոխհատուցել» են տարիներ անց՝ մոտ 620 ստեղծագործություն նվիրելով գյումրեցիներին։ Մարիամն ու Երանուհին, լինելով մեծահարուստի աղջիկներ, կարողացել են խորամանկել. ընդունել են խորհրդային գաղափարախոսությունը և դա ծառայեցրել հանուն իրենց արվեստի:
Անմիջապես անցնելով կուսակցության շարքերը` շրջագայել են բազմաթիվ երկրներում` այդ երկրների գույները ներկայացնելով իրենց կտավներում։ Բայց այդ շրջագայությունները նաև ազգային արժեքները ներկայացնելու գերազանց հնարավորություն է եղել քույրերի համար:
Ասլամազյան քույրերը ոչ միայն լավ արվեստագետներ էին, այլ նաև հասարակական գործիչներ։ Ակտիվ հասարակական գործունեություն է ծավալել հատկապես Մարիամ Ասլամազյանը:
Արվեստաբան Գոհար Սմոյանը Sputnik Արմենիային պատմեց, որ Մարիամի` Հնդկաստան կատարած 2 այցերի շնորհիվ է, որ 1976 թվականին Հնդկաստանի վարչապետ Ինդիրա Գանդին այցելեց Երևան։ Մարիամին հաջողվել է Ինդիրա Գանդիի հետ հանդիպել իր երկրորդ այցի ընթացքում։
![Премьер-министр Республики Индии Индира Ганди Премьер-министр Республики Индии Индира Ганди - Sputnik Արմենիա](https://cdn.am.sputniknews.ru/img/1040/62/10406248_0:0:2565:2048_600x0_80_0_0_5c866f71f243ecd01e3970d114bed102.jpg)
Առաջին այցից հետո նա բուռն տպավորություններով վերադարձել է Հնդկաստանից և հիշողությամբ նկարել Ինդիրա Գանդիի դիմանկարը:
Հնդկաստան կատարած երկրորդ այցի ընթացքում անձամբ հանդիպել է վարչապետին և պատմել դիմանկարի ու տպավորությունների մասին:
Մարիամը, ինչպես միշտ, հանդիպմանը ներկայացել է հայկական զարդանախշերով արծաթյա զարդերով, ինչը շատ է դուր եկել Հնդկաստանի կին վարչապետին։ Նա հատկապես շատ է հավանել արծաթյա գոտին:
Մարիամի աջակցության շնորհիվ Հնդկաստանի վարչապետն այցելել է Երևան, ավելին` նա Խորհրդային Հայաստանի ղեկավարությանը պատմել է, որ Հնդկաստանի վարչապետը շատ է հավանել հայկական արծաթե գոտին, և Երևանում Ինդիրա Գանդիին ազգային նախշերով արծաթե գոտի են նվիրել:
Արդեն 31 տարի է` Գյումրիում գործում է Ասլամազյան քույրերի պատկերասրահը Մարիամ Ասլամազյանի 70-ամյակի կապակցությամբ նրանք գյումրեցիներին են նվիրել իրենց աշխատանքների բնօրինակները, պատկերասրահի համար շենքը տրամադրել է քաղաքային իշխանությունը։ Երկհարկանի շենքի առաջին հարկում ցուցադրվում են Երանուհի Ասլամազյանի, իսկ երկրորդ հարկում` Մարիամ Ասլամազյանի գործերը: Նրա ստեղծագործություններից շատերի գլխավոր հերոսուհին հենց կինն է։
«Քույրերն ունեն տարբեր կտավներ` նույնիսկ չինական ու հնդկական մոտիվներով, սակայն երկուսի համար հիմնական թեման ազգային խորհրդանիշներն են ու կնոջ կարգավիճակը»,- Sputnik Արմենիային ասաց Գոհար Սմոյանը։
Գյումրիում գործող պատկերասրահում պահպանվում և ցուցադրվում են քույրերի գեղանկարչական, գրաֆիկական և խեցեգործական աշխատանքները:
«Ասլամազյան քույրերը նկարել են այն, ինչ իրենցից պահանջում է հասարակարգը, բայց կարողացել են կտավին հանձնել նաև, այն ինչ ուզել են»,- ասաց արվեստաբանը։
![Ասլամազյան քույրերի պատկերասրահում Ասլամազյան քույրերի պատկերասրահում - Sputnik Արմենիա](https://cdn.am.sputniknews.ru/img/1037/09/10370924_0:0:1599:1004_600x0_80_0_0_6a16629deecdc9cf188317ed74571b0a.jpg)
![Ասլամազյան քույրերի պատկերասրահում Ասլամազյան քույրերի պատկերասրահում - Sputnik Արմենիա](https://cdn.am.sputniknews.ru/img/1037/09/10370992_0:195:1600:1200_600x0_80_0_0_86698259b9f8d13df47ac2cbdfbc4645.jpg)
![Ասլամազյան քույրերի պատկերասրահում Ասլամազյան քույրերի պատկերասրահում - Sputnik Արմենիա](https://cdn.am.sputniknews.ru/img/1037/08/10370864_0:21:1599:1026_600x0_80_0_0_cba9ef93b24848b331a71e43be584c8c.jpg)
![Ասլամազյան քույրերի պատկերասրահում Ասլամազյան քույրերի պատկերասրահում - Sputnik Արմենիա](https://cdn.am.sputniknews.ru/img/1037/08/10370847_0:97:1600:1102_600x0_80_0_0_1e3b5ea72a446e127a697714e96c9bee.jpg)
![Ասլամազյան քույրերի պատկերասրահում Ասլամազյան քույրերի պատկերասրահում - Sputnik Արմենիա](https://cdn.am.sputniknews.ru/img/1037/06/10370662_0:149:1600:1155_600x0_80_0_0_feaa0b62ef1a274050377d3b92ddad43.jpg)
![Ասլամազյան քույրերի պատկերասրահում Ասլամազյան քույրերի պատկերասրահում - Sputnik Արմենիա](https://cdn.am.sputniknews.ru/img/1040/81/10408161_24:0:1575:975_600x0_80_0_0_faf8e29e6adbd9bb1b16d23986862114.jpg)
![Ասլամազյան քույրերի պատկերասրահում Ասլամազյան քույրերի պատկերասրահում - Sputnik Արմենիա](https://cdn.am.sputniknews.ru/img/1040/80/10408088_0:1:1600:1068_600x0_80_0_0_055048301ac2f91e0fb4cbe389d1f2f2.jpg)
![Ասլամազյան քույրերի պատկերասրահում Ասլամազյան քույրերի պատկերասրահում - Sputnik Արմենիա](https://cdn.am.sputniknews.ru/img/1040/80/10408013_0:29:1600:1034_600x0_80_0_0_fa52bb4c1d4df8b6d04e5b44ae27782c.jpg)
![Ասլամազյան քույրերի պատկերասրահում Ասլամազյան քույրերի պատկերասրահում - Sputnik Արմենիա](https://cdn.am.sputniknews.ru/img/1040/78/10407852_0:0:1600:1067_600x0_80_0_0_762a7e1720adbaa15f818f95b56e15ad.jpg)
![Ասլամազյան քույրերի պատկերասրահում Ասլամազյան քույրերի պատկերասրահում - Sputnik Արմենիա](https://cdn.am.sputniknews.ru/img/1040/77/10407767_0:61:1600:1066_600x0_80_0_0_c6a63b471df3ced1256ea55cbe7ce846.jpg)
![Ասլամազյան քույրերի պատկերասրահում Ասլամազյան քույրերի պատկերասրահում - Sputnik Արմենիա](https://cdn.am.sputniknews.ru/img/1040/76/10407661_0:27:1599:1032_600x0_80_0_0_1fe45c9d02ce6fa58d5630536565c4e9.jpg)
![Ասլամազյան քույրերի պատկերասրահում Ասլամազյան քույրերի պատկերասրահում - Sputnik Արմենիա](https://cdn.am.sputniknews.ru/img/1040/75/10407541_0:0:1600:1005_600x0_80_0_0_aabcc0fe8876f347f680cd9ae404269f.jpg)
![Ասլամազյան քույրերի պատկերասրահում Ասլամազյան քույրերի պատկերասրահում - Sputnik Արմենիա](https://cdn.am.sputniknews.ru/img/1040/74/10407406_0:31:1600:1036_600x0_80_0_0_d2cd408f332b969a5464d4aa7a8c3a4f.jpg)
Հայաստանում ծնված Ասլամազյանները Ռուսաստան են տեղափոխվել 1927 թվականից՝ 17 և 20 տարեկան հասակում, բարձրագույն կրթություն են ստացել այնտեղ, հետո ամուսնացել են ու մշտական բնակություն հաստատել Ռուսաստանում: Երանուհին ունեցել է մեկ դուստր, որը մորից ժառանգելով արվեստագետի ձիրքը` խեցեգործ է դարձել, իսկ Մարիամը, ամուսնանալով նախ 19, ապա 60 տարեկանում, այդպես էլ ժառանգ չի ունեցել. ասում են` որոշել է իրեն միայն արվեստին նվիրել:
Քույրերը մահացել են բավականին մեծ տարիքում` Երանուհին՝ 88, իսկ Մարիամը 99 տարեկանում: