«Հատկապես վերջին մեկ-երկու օրերի ընթացքում թուրքական կողմը որոշակի հաջողությունների է հասել՝ առաջ շարժվելով արևմտյան Ռաջու բնակավայրի ուղղությամբ: Թուրքական ուժերը գրավել են այդ բնակավայրի մոտակա բարձունքը և այժմ թեժ մարտեր մղելով՝ փորձում են նաև Ռաջուն շրջափակել: Բայց եթե բարձունքները գրավելու առաքելությունը թուք զինվորների խնդիրն է, ապա բնակավայրերի ուղղությամբ առաջխաղացումն ապահովում են նրանց դաշնակիցները՝ զանազան ընդդիմադիր ուժերը»:
Արևելագետի հավաստիացմամբ՝ Թուրքիային աջակցում են իսլամական ծայրահեղ արմատականները՝ չնայած Թուրքիան փորձում է թաքցնել դա՝ նշելով իբրև իր կողմնակիցները չափավոր ուժեր են՝ Սիրիայի ազատ բանակ կոչվածը: Իսկ դրա մասին պետք է բարձրաձայնել միջազգային հարթակներում, քանի որ իսլամական ծայրահեղ արմատականներից ամեն ինչ սպասելի է:
