ԵՐԵՎԱՆ, 1 փետրվարի — Sputnik. Դավոսի համաշխարհային տնտեսական համաժողովում ձեռք բերված պայմանավորվածություններն աշխատանքների լայն հնարավորություններ են ստեղծում։ Այդ մասին կառավարության նիստում հայտարարեց Հայաստանի վարչապետ Կարեն Կարապետյանը։
Նա հանձնարարեց կառավարության աշխատակազմի ղեկավարին և Հայաստանի զարգացման հիմնադրամի տնօրենին մեկ շաբաթում այցի արդյունքների մասին հաշվետվություն պատրաստել և ընդհանուր տեղեկատվություն փոխանցել նախարարություններին:
Նա հանձնարարեց արտաքին գործերի, տնտեսական զարգացման և ներդրումների, էներգետիկ ենթակառուցվածքների ու բնական պաշարների, ինչպես նաև տրանսպորտի, կապի և տեղեկատվական տեխնոլոգիաների նախարարներին իրենց ուղղություններով զարգացնել ձեռք բերված պայմանավորվածությունները։
Հիշեցնենք, որ Դավոսի Համաշխարհային տնտեսական համաժողովում Հայաստանի վարչապետը հանդիպել է Նիդեռլանդների վարչապետի, Ռուսաստանի փոխվարչապետի, Ասիական զարգացման բանի և Ճապոնիայի Միջազգային համագործակցության գործակալության, ինչպես նաև Կանադայի և ԱՄԷ-ի ներդրումային խոշոր ընկերությունների ղեկավարների հետ։