Դիմավորում ենք տաք փետրվարը. եղանակի տեսություն

ԵՐԵՎԱՆ, 30 հունվարի — Sputnik. Հանրապետության տարածքում հունվարի 30-ի ցերեկը, 31-ին, փետրվարի 1-ի ցերեկը, 2-3-ը կլինի առանց տեղումների եղանակ: Հունվարի 30-ի գիշերը, փետրվարի 1-ի գիշերն առանձին շրջաններում թույլ ձյուն կտեղա: Այս մասին հայտնում է «Հիդրոմետ» ծառայությունը։

«Օդի ջերմաստիճանը հունվարի 30-ից փետրվարի 3-ը աստիճանաբար կբարձրանա 8-10, Լոռիում, Տավուշում, Սյունիքում և Արցախում՝ 14-15 աստիճանով»,- նշված է հաղորդագրության մեջ:

Երևանում հունվարի 30-ի ցերեկը, 31-ին, փետրվարի 1-ի ցերեկը, 2-3-ը տեղումներ չեն լինի: Հունվարի 30-ի գիշերը, փետրվարի 1-ի գիշերը քաղաքի առանձին հատվածներում հնարավոր է թույլ ձյուն:

Այսօր` հունվարի 30-ին, մայրաքաղաքում օդի ջերմաստիճանը ցերեկային ժամերին կկազմի 4-6 աստիճան տաքություն, գիշերային ժամերին`3-5 աստիճան ցուրտ։