ԵՐԵՎԱՆ, 28 հունվարի — Sputnik. Այսօր՝ հունվարի 28-ին, ողբերգական ավտովթար է տեղի ունեցել Արմավիրի մարզում: Ժամը 07:30-ի սահմաններում Երևան-Արմավիր-Գյումրի ավտոճանապարհի Դալարիկ գյուղի վարչական տարածքում Opel մակնիշի ավտոմեքենայի վարորդը դուրս է եկել ճանապարհի երթևեկելի գոտուց, բախվել ապառաժ քարերին, մի քանի պտույտ գլխիվայր շրջվելով՝ հայտնվել դաշտում: Այս մասին հայտնում է shamshyan.com-ը։
Ինչպես նշված է կայքում, վթարի հետևանքով վարորդն ու ուղևորը տեղում մահացել են:
Փրկարարները, ոստիկաններն ու քաղաքացիները շրջել են ավտոմեքենան, այնուհետև դրսում հայտնաբերված դիակները պատգարակով մոտեցրել են շտապօգնության մեքենային:
Ոստիկանությունն ու քննչական բաժինը պարզում են վարորդի, մահացածների ինքնությունը:
