ԵՐԵՎԱՆ, 25 հունվարի — Sputnik. Հայ դիզայներ Ամալյա Բաբայանի ազգային ոճով ձեռագործ պայուսակը հաճելիորեն զարմացրել է ըմբիշ Միհրան Հարությունյանի աբխազ կնոջը` Մակտինային։
Խարտյաշ գեղեցկուհին Instagram–ի իր էջում տեղադրել է լուսանկար, որում նա ցուցադրում է նվեր ստացած պայուսակը։
«Միշտ զարմացնում են այն մարդիկ, որոնք սեփական ձեռքերով այսպիսի գեղեցկություն են ստեղծում։ Առաջին հայացքից սիրահարվեցի ազգային մոտիվներով այս պայուսակին։ Այնքան գեղեցիկ էին ձևավորել նվերը։ Շնորհակալություն անսահման տաղանդավոր @nazan.ami–ին»,– մեկնաբանել է լուսանկարը Մակտինան։
Դիզայներին ուրախացրել է այդպիսի արձագանքը։
«Մակտինաաա։ Ինչ գեղեցիկ լուսանկար է։ Շնորհակալություն։ Շատ հաճելի է», – գրել էԱմալյան։
Աբխազ մոդել ու երգչուհի Մակտինա Հարությունյանը (Բեբիա) իր նրբաճաշակությամբ բաժանորդների հիացմունքն է առաջացնում։ Աղջկա գրեթե բոլոր հագուստները ճաշակով են համադված ու առանձնանում են իրենց յուրահատկությամբ։
Ռիոյում Օլիմպիական խաղերի ու Եվրոպական խաղերի արծաթե մրցանակակիր Միհրան Հարությունյանի ու երգչուհի Մակտինա Բեբիայի հարսանիքը տեղի է ունեցել 2017–ի օգոստոսի 30-ին Մոսկվայում: Հարությունյանը վերջերս կատարելագործում է հայերենը և պարբերաբար տեսանյութեր է հրապարակում, որոնցում հայերեն է խոսում:
Հունահռոմեական ոճի հայ ըմբիշ, Ռիոյի օլիմպիադայի արծաթե մեդալակիր Միհրան Հարությունյանը հիրավի ժողովրդական չեմպիոն դարձավ, երբ Ռիոյի օլիմպիադայում անարդար մրցավարության պատճառով զրկվեց ոսկե մեդալից։ Նշենք, որ այդ ժամանակ Միհրանը ելույթ էր ունենում ուսի վնասվածքով։
