ԵՐԵՎԱՆ, 24 հունվարի — Sputnik. Հնդկաստանում հայտնի ոճաբան Մարիաննա Մուկուչյանը կրկին աշխատում է Բոլիվուդի աստղ Այշվարիա Ռայի հետ։ Մուկուչյանն այդ մասին հայտնել է Instagram-ում։
«Այշվարիա Ռայ Բաչչանը Dabboo Ratnani ամենամյա օրացույցի համար», —մեկնաբանել է լուսանկարը Մուկուչյանը։
Մուկուչյանն առաջին անգամ չէ, որ համագործակցում է Այշվարիա Ռայի և Բոլիվուդի այլ աստղերի հետ։ Մարիաննան աշխատել է Նյու Յորքում, Քեյփթաունում, Դուբայում։ Նա աշխատել որոշ ամսագրերում, որից հետո առաջարկ է ստացել Բոլիվուդից։
Մուկուչյանը բոլիվուդյան կարիերան սկսել է Պրիանկա Չոպրայի և Ալիա Բատի հետ համագործակցությունից։
Նա խոստովանում է, որ բոլիվուդյան բոլոր աստղերից ամենահեշտը հենց Այշվարիայի հետ աշխատելն է։
Մարիաննան երգչուհի Իվետա Մուկուչյանի հարազատ քույրն է։
