ԵՐԵՎԱՆ, 22 հունվարի — Sputnik. Հունվարի 22-ին, ժամը 06:36-ին ԱԻՆ-ն ահազանգ է ստացել, որ Արմավիրի մարզի Արմավիր քաղաքի «Սադախլու» կոչվող շուկայում այրվում է տնակ, կա տուժած:
Դեպքի վայր է մեկնել երկու մարտական հաշվարկ: Այս մասին հայտնում է ՀՀ արտակարգ իրավիճակների նախարարության մամուլի ծառայությունը։
Պարզվել է, որ այրվում է 21-րդ փողոցի թիվ 13 շենքի մոտակայքում գտնվող տնակը (մոտ 6 քմ):
Հրդեհը մեկուսացվել է ժամը 06:55-ին, մարվել՝ 07:00-ին:
Տնակն ամբողջությամբ այրվել է, ներսում հայտնաբերվել է անձը չպարզված տղամարդու այրված դի:
