ԵՐԵՎԱՆ, 18 հունվարի — Sputnik. Բաշկիր պատգամավոր Իլդուս Շամսուտդինովը, որը ծեծի է ենթարկվել, ինքն է սպառնացել «մորթել» ու «տփել», վստահեցնում է վիճաբանության հայկական կողմը։
Ավելի վաղ բաշկիրական կայքը հայտնել էր, որ հարձակում է տեղի ունեցել Բաշկորտոստանի Կրասնոկամերսկի շրջանի պատգամավոր Շամսուտդինովի վրա։ Նա հայտնել է, որ հայերի խումբը հրավիրել է նրան խոսել տրակտորի մասին, որը վնասել էր ճանապարհին աշխատող բեռնատար մեքենային։
Իրենց գրասենյակում տասը մարդ հարձակվել են Շամսուտդինովի վրա, տրավմատիկ հրացանից ձեռքին են կրակել ու ծեծի են ենթարկել։
Դրանից հետո հայերը խմբագրություն են դիմել ու իրենց ձևով են ներկայացրել տեղի ունեցածը։ Նրանցից մեկը, որը ներկայացել է որպես «Տանիպ» ընկերության համասեփականատեր Ավետիք (նա չի նշել իր ազգանունը) հայտնել է, որ Շամսուտդինովը ինքն է ցանկացել ծեծի ենթարկել իրենց։
«Նա հանել է հրացանն ու չորս անգամ կրակել ու բղավել է`կսպանեմ, կմորթեմ, կտփեմ ձեզ։ Հետո մերոնցից մեկին հարվածեց ու վազեց։ Հետո մենք գտանք նրա համարը, զանգեցինք ու առաջարկեցինք մեզ մոտ գալ», – հայտնել է նա։
Իսկ վնասվածքներ պատգամավորին հասցրել են, երբ փորձել են խլել նրանից հրացանը։
