ԵՐԵՎԱՆ, 17 հունվարի — Sputnik, Արամ Գարեգինյան. ՀՀ Էներգետիկայի նախարարությունը 2018 թվականին կհայտարարի էլեկտրամոբիլմերի առաջին դպրոցական մրցույթը։ Այդ մասին Sputnik Արմենիայի թղթակցի հետ զրույցում հայտնեց ՀՀ էներգետիկ ենթակառուցվածքների և բնական պաշարների նախարարի տեղակալ Հայկ Հարությունյանը։
Հայաստանում ռոբոտաշինության դպրոցական մրցույթներ են անցկացվում արդեն մի քանի տարի։ Այժմ երեխաներին ուզում են առաջարկել մեքենա հավաքել։ Այն էլ ոչ խաղալիք, այլ իսկական։ Պահանջներն, իհարկե, շատ խիստ չեն։
Ավտոմեքենան պետք է կարողանա գոնե ինչ-որ կերպ ինքնուրույն «տեղաշարժվել փողոցով, առանց ձիերի օգնության»։ Ժյուրին մեքենաների նկատմամբ շատ խիստ չի լինի։ Կարևորը` դպրոցականներին ցույց տալն է, որ էլեկտամոբիլները համացանցից վերցված «գեղեցիկ անցյալի» մասին տեսահոլովակներ չեն։ Դա մի բան է, ինչը կարելի է հավաքել սեփական ձեռքերով։ Թեկուզ ոչ մեծ, մեկ-երկու տեղանոց։ Թող որ չլինի աերոդինամիկայի և ՕԳԳ–ի հրաշագործություն։ Սակայն կլինի առաջին փորձը։
Եվ գուցե 5-6 տարի հետո այդ երեխաները դառնան համաշխարհային ավտոընկերությունների «ուղեղները»։ Կամ նրանցից պատվերներ ստանան իրենց ինժեներական ստարտափերում։
Աշխարհում դպրոցականների և ուսանողների համար նման մրցույթներ շատ են անցկացվում։ Tesla–ի, Nissan–ի և էլեկտրամոբիլների այլ արտադրողների համար այս մրցույթներն արդեն սովորական են դարձել ապագա մասնագետներ «բռնելու» գործում։
Բենզինը մերն է, գաղափարները` ձերը
Բարձր դասարանցիները` ձեզ։ Եթե հաջողի, և ձեզ համար ապագա ավտոմեքենայի ստեղծման համար դետալներ գտնեն։ Օգնելու հնարավորության մասին արդեն մտածում են Հայաստան արևային պանելներ ներկրող կամ այստեղ դրանք հավաքող (արդեն նաև այդպիսինները կան) ընկերությունները։ Այս գաղափարով մշտապես փորձում են «վարակել» Էներգետիկայի նախարարությանը։
Այժմ նախարարությունը մշակում է մրցույթի պայմանները. ինչ հզորության պետք է լինի ավտոմեքենայի շարժիչը, արևային պանելների մակերեսը, մարտկոցների լիցքը։ Մրցույթ են ուզում հայտարարել արդեն այս տարի։
