ԵՐԵՎԱՆ, 11 հունվարի — Sputnik. Հայաստանի հավաքականի և «Մանչեսթեր Յունայթեդի» կիսապաշտպանը կարող է համալրել «Արսենալի» շարքերը, գրում է լրագրող Ջանլուկա Դի Մարցիոյիի պաշտոնական կայքը։
Նրա տեղեկություններով` «կարմիր սատանաների» մարզիչ Ժոզե Մոուրինյոն բանակցություններ է վարել «Արսենալի» մարզչի հետ. ուզում է ձեռք բերել նրանց հարձակվող Ալեքսիս Սանչեսին։
Չիլիացու փոխարեն Մուորինյոն պատրաստ է «Արսենալ» ուղարկել Մխիթարյանին։
Կիսապաշտպանով հետաքրքրված է նաև «Ինտերը» և կարող է միջամտել պայքարին: Հավանական է, որ «կարմիր սատանաների» գլխավոր մարզիչ Ժոզե Մոուրինյոն կօգտագործի դա ամռանը «Ինտերի» խաղացող Իվան Պերիշիչին ձեռք բերելու համար:
Ավելի վաղ հայտնել էին, որ եթե «Ինտերին» չհաջողվի ստանալ հայ կիսապաշպանին, ապա ակումբը կփորձի համալրել շարքերը «Բարսելոնայի» կիսապաշտպան Ռաֆինյա Ալկանտարայի հաշվին:
Անգլիական ակումբը պատրաստ է Մխիթարյանին հրաժեշտ տալ 35 մլն ֆունտ ստեռլինգի դիմաց:
