ԵՐԵՎԱՆ, 11 հունվարի — Sputnik. Հայաստանի հավաքականի ավագ Հենրիխ Մխիթարյանը տևական ժամանակ «ժպտացող» լուսանկարներ չէր հրապարակում։ Երեկ նա սոցիալական ցանցերում մի լուսանկար է տեղադրել, որում ժպտում է։
Հանրապետության լավագույն ֆուտբոլիստը (Հայաստանի ֆուտբոլի ֆեդերացիայի վարկածով) լուսանկարի տակ հույզեր արտահայտող նշաններ է դրել` «Micki + ⚽️ = ✌️»։
Մխիթարյանը հերթական անգամ ցույց տվել է ֆուտբոլի նկատմամբ ունեցած իր անսպառ սերը։ Հայերի սիրելի մարզիկը միայն գնդակը ձեռքին է կարողանում ժպտալ ու բարձր տրամադրություն ունենալ։
Ֆուտբոլիստի էջի բաժանորդներն ակտիվ քննարկումներ են ծավալել նրա լուսանկարի տակ։ Ոմանք նույնիսկ գործնական խորհուրդներ են տվել նրան։
«Մանչեսթերում ապագադ պարզ չէ, դու պետք է ավելի քրտնաջան աշխատես… Դադարիր խուճապի մատնվել, խնդրում եմ, և վստահ խաղա։ Դա է քեզ լավագույն խաղացող դարձնում», — նշել է Nana Kofi Bernard-ը։
Մեկնաբանություններում մարդիկ նաև կոչ են արել Հենրիխին մնալ «կարմիր սատանաների» ակումբում։
«Շարունակիր նույն ոգով, եղբայր, դու մեզ պետք ես «Մանչեսթերում»։ Շատ եմ ցավում, որ Ժոզեն քեզ ոչ միշտ է դաշտ չի թողնում», — գրել է Kim Buckey Mcintosh-ը։
Երկրպագուներից ոմանք խնդրել են Հենրիխին «լայն ժպիտով» լուսանկարներ հաճախ հրապարակել, որպեսզի մարդկանց սրտերը ջերմանան։ Հայ օգտատերերից մեկն էլ անգլիական ակումբի մարզչին համեմատել է «սև ամպի» հետ։
«Ողջույն, Հենրիխ։ Ուրախ եմ, որ վայելում ես արևը։ Միայն վատ է, որ սև ամպ Մոուրինյոն նույնպես այդտեղ է։ Հուսով եմ, որ դու մոտ ապագայում «hasta la vista» կասես այդ խարդախ Մոուրինյոյին։ Դու չես կորցրել քո տաղանդը։ Մարզչի անտանելի մենեջմենթի պատճառով է, որ դու քո ողջ հրաշալի կարողությունները չես ցուցադրում։ Դու կրկին վերելք կապրես նոր ակումբում, որտեղ մարզիչը քեզ կգնահատի ըստ արժանվույն։ Հաջողություն եմ մաղթում», — գրել է Jirair Tutunjian-ը։
«Կարմիր սատանաներն» ամբողջ կազմով մեկնել են ԱՄԷ։ Գլխավոր մարզիչ Ժոզե Մոուրինյոն որոշել է, որ թիմը պետք է կենտրոնանա մարտավարության վրա, իսկ դրա համար վատ չի լինի փոխել միջավայրը և որոշ ժամանակ անցկացնել Դուբայում, հանգստանալ և վերականգել ուժերը։
Վերջին շրջանում Մխիթարյանը լուրջ խնդիրներ ունի «Մանչեսթեր Յունայթեդում»։ Ամենայն հավանականությամբ, նա ձմռանը կլքի «կարմիր սատանաներին»։
Անգլիական ակումբը պատրաստ է հրաժարվել Մխիթարյանից 35 մլն ֆունտ ստեռլինգի դիմաց։
Անգլիական որոշ լրատվամիջոցների տեղեկությունների համաձայն` հայ ֆուտբոլիստը դժգոհ է Մոուրինյոյի վերաբերմունքից և ուզում է Դորտմունդի «Բորուսիա» վերադառնալ։
