Սուրեն Սարգսյան
Երուսաղեմը Իսրայելի մայրաքաղաք ճանաչելուց հետո ԱՄՆ ոչ բոլոր դաշնակիցներն են կիսում այդ երկրի արտաքին քաղաքականությունը, կարծում է Սուրեն Սարգսյանը։
Այս մասին է վկայում նաև այն, որ ՄԱԿ-ի անդամ գրեթե բոլոր երկրները դեմ քվեարկեցին Երուսաղեմի շուրջ ԱՄՆ դիրքորոշմանը։ Հաջորդ քայլն, ըստ Սարգսյանի, արդեն Իրանի մասին բանաձևերի տապալումն էր ՄԱԿ-ում։
«Վերցնենք թեկուզ հենց ԵՄ անդամ երկրների հայտարարությունները, որ նման բանաձևերի ընդունումը ՄԱԿ-ի անվտանգության խորհրդի կողմից կարող է դիտվել որպես միջամտություն Իրանի ներքին գործերին, ինչը հակասում է ՄԱԿ-ի կանոնադրությանն ու ամբողջ գաղափարախոսությանը»,- ասաց Սարգսյանը։
Նա չբացառեց, որ ԱՄՆ-ն փորձում է դելեգիտիմացնել, թուլացնել ՄԱԿ-ի ԱԽ-ի դիրքերը։
