ԵՐԵՎԱՆ, 31 դեկտեմբերի — Sputnik. Հեղինակավոր ֆրանսիական L'Equipe թերթը հայազգի ռուսաստանցի գեղասահորդուհի Եվգենիա Մեդվեդևային (Բաբասյան) ընդգրկել է 2017թ-ի լավագույն մարզուհիների տասնյակում։
Թոփ տասնյակ է մտել նաև աշխարհի կրկնակի չեմպիոն, մարմնամարզուհի Մարիա Լասիցկենեն։
Հրատարակության տվյալներով՝ Լասիցկենեն ցուցակում զբաղեցնում է 6-րդ տեղը, իսկ Մեդվեդևան՝ 7-րդ։ Առաջին տեղում է ամերիկյան լողորդուհի Քեթի Լեդեկին, 2-րդ տեղում ամերիկյան լեռնադահուկորդուհի՝ Միքայելա Շիֆրինը, 3-րդ տեղում՝ բելգիացի յոթնամարտիկ Նաֆիսատու Տիամը։
Տղամարդկանց վարկանիշում պատմության մեջ առաջին անգամ տարվա լավագույն մարզիկներ են դարձել միանգամից երկու թենիսիստ՝ Ռաֆայել Նադալը և Ռոջեր Ֆեդերերը։ Երկրորդ տեղը զբաղեցրել է ավստրիացի լեռնադահուկորդ Մարսել Հիրշերը, երրորդը՝ Ֆորմուլա 1-ի մրցարշավորդ Լյուիս Հեմիլթոնը։
Մեդվեդևան աշխարհի և Եվրոպայի կրկնակի չեմպիոն է, Գրան պրի շարքի եզրափակիչների հաղթող (2015, 2016), 2017թ-ի Տոկիոյի աշխարհի թիմային առաջնության մրցանակակիր։
