ԵՐԵՎԱՆ, 29 դեկտեմբերի — Sputnik. 70 կգ ուղեբեռ, անսպառ հույզեր ու հույսեր։ Այսպես են Լեհաստանում հարազատ դարձած անձինք Վարշավայի օդանավակայանում ճանապարհում հայրենիք վերադարձող հայ երիտասարդին։
Իր ձայնով ճանաչման արժանացած Գյումրիի մանկատան նախկին սան Խորեն Սիմոնյանն ընդմիշտ վերադառնում է հայրենիք` վերամիավորվելու ընտանիքի հետ։
«Այսօր ես կրկին մեկնում եմ Հայաստան, այս անգամ մեկնում եմ ապրելու իմ ընտանիքի հետ, նրանց հետ դիմավորելու Նոր տարին, վայելելու այդքան տարի սպասված միասնականությունը»,– հայրենիք մեկնելուց առաջ ֆեյսբուքյան էջում նման գրառում է արել Խորենը` միաժամանակ շնորհավորելով բոլոր հայրենակիցների Ամանորն ու Սուրբ ծնունդը և նոր տարում մաղթելով երազանքների իրականացում, առողջություն ու երջանկություն։
Հիշեցնենք, որ ս.թ. սեպտեմբերի 27-ին Խորեն Սիմոնյանը ժամանել էր Հայաստան, հանդիպել իր ծնողներին, որոնք 25 տարի առաջ իրեն հանձնել էին Գյումրիի մանկատուն:
