ԵՐԵՎԱՆ, 28 դեկտեմբերի — Sputnik. Այսօր՝ դեկտեմբերի 28-ին, ժամը 06։00-ի սահմաններում Արտակարգ իրավիճակների նախարարության Փրկարար ծառայության օպերատիվ կառավարման կենտրոն ահազանգ է ստացվել, որ Լենինգրադյան փողոցում ձիերի երամակ կա և ձիերին անվտանգ վայր տեղափոխելու նպատակով անհրաժեշտ է փրկարարների միջամտությունը։
Sputnik Արմենիայի հետ զրույցում ՀՀ գյուղատնտեսության փոխնախարար Աշոտ Հարությունյանն ասաց, որ 5 ձի է հայտնվել Լենինգրադյան փողոցում, որոնցից 2 զամբիկ են։
«Ենթադրվում է, որ դրանք կարող են լինել Դալմայի շրջակայքում ապրող բնակիչների կենդանիները։ Ձիերից երկուսին կապել են, մոտակա ծառերից, մնացածի ճանապարհը փակել են, որպեսզի տեղափոխեն անվտանգ վայր»,–ասաց Հարությունյանը։
Քիչ առաջ պարզվել է, որ ձիերը պատկանում են Յուրի Սնոյանին և Դավիթին, որի ազգանունը ճշտվում է։