ԵՐԵՎԱՆ, 27 դեկտեմբերի— Sputnik. Հայաստանի նախագահ Սերժ Սարգսյանի հանձնարարականով` Ռիոյի Օլիմպիադայի չեմպիոն, հունահռոմեական ոճի ըմբիշ Արթուր Ալեքսանյանին պարգևատրել են անվանական զենքով։
Ալեքսանյանին զենքը Մարզահամերգային բեմում հանձնել է բեմում հանձնել է հենց նախագահը` Հայաստանի տասը լավագույն մարզիկների մեծարման երեկույթին։
«Ձեր հաղթանակները մեզ համար մեծ արժեք ունեն։ Դուք ձեր օրինակով հազարավոր մարդկանց եք ոգեշնչում», – ասաց Սարգսյանը։
Նա նշեց, որ հանձնարարական է տրվել հայկական սպորտի զարգացման հարցում ներգրավել Սփյուռքի ներկայացուցիչներին։
Բացի լավագույն տասնյակից, ՀՀ նախագահից առանձին մրցանակներ ստացան մի քանի այլ մարզիկներ ու սպորտի գործիչներ։ Նրանց շարքում են Լևոն Ջուլֆալակյանը, Փաշիկ Ալավերդյանը, Տիգրան Կիրակոսյանը, Հովհաննես Բաչկովը, Սիմոն Մարտիրոսյանը, Լևոն Հայրապետյանը, Դավիթ Թորոսյանը։
![Церемония чествования десяти лучших спортсменов Армении Церемония чествования десяти лучших спортсменов Армении - Sputnik Արմենիա](https://cdn.am.sputniknews.ru/img/997/54/9975421_0:0:1600:1065_600x0_80_0_0_d6e439c4d2e4d75af236239e167efc21.jpg)
Դեկտեմբերի 25–ին հայտարարվել են Հայաստանի լավագույն տասը մարզիկները։ Նրանց ընտրել են ՀՀ քաղաքացիները` սմս–քվեարկության միջոցով (դեկտեմբերի 11–ից) ու մարզական լրագրողները։