ԵՐԵՎԱՆ, 26 դեկտեմբերի — Sputnik. Բաքվի էլեկտրոնիկայի խանութներից մեկում գնորդները հայերեն պիտակով սառնարան են հայտնաբերել։ Այս մասին հայտնում է Sputnik Ադրբեջանը։ «Գտածոյի» մասին խմբագրությանը հաղորդել է Baku Electronics էլեկտրոնիկայի վաճառքի ցանցի այցելուն։
Baku Electronics-ի պաշտոնական ներկայացուցիչը պարզաբանել է, որ հայերեն գրություն գտել են միայն մեկ մոդելի վրա։
Նրա խոսքով, երբ ընկերության մենեջերներն իմացել են այդ մասին, նշված ապրանքը հանել են վաճառքից։
«Սխալը թույլ է տրվել Հնդկաստանի արտադրության LG սառնարանների իրացման ժամանակ», — հաղորդել է Baku Electronics-ի ներկայացուցիչը։
![Этикетка на холодильнике в Бинагадинском филиале сети магазинов Baku Electronics Этикетка на холодильнике в Бинагадинском филиале сети магазинов Baku Electronics - Sputnik Արմենիա](https://cdn.am.sputniknews.ru/img/995/92/9959244_0:0:720:960_600x0_80_0_0_308053eaf1953da8f3e60e6109550e94.jpg)
Ադրբեջանում LG ընկերության ներկայացուցչությունից էլ հայտնել են, որ իրենց սառնարաններն առաքվում են ոչ միայն այդ երկիր, այլ նաև տարածաշրջանի այլ երկրներ։ Թյուրիմացությունը տեղի է ունեցել ապրանքների փաթեթավորման և առաքման ժամանակ։
«Կարճ ժամանակում սխալն ուղղելու համար կենտրոնական գրասենյակից մեզ ադրբեջաներեն պիտակներ կուղարկեն», — նշել են ընկերությունից։