ԵՐԵՎԱՆ, 25 դեկտեմբերի — Sputnik. Հայտնի թենիսիստուհի Սերենա Ուիլյամսը` ոչ պակաս հայտնի ամուսնու` Ալեքսիս Օհանյանի կինը, Աբու Դաբիում կմասնակցի Mubadala World Tennis Championship մրցաշարին։ Այս մասին նշված է մրցումների կայքում։
Մրցաշարի երրորդ օրը նա կմրցի «Ռոլան Գարոսի» հաղթող Ելենա Օստապենկոյի հետ։
«Սերենա Ուիլյամսն ու Ելենա Օստապենկոն առաջին կանայք են, որ մասնակցելու են Mubadala World Tennis Championship-ին»,- նշված է հանդիպման ծանուցման մեջ։
Արաբական Միացյալ Էմիրություններում անցկացվող միջոցառումը (դեկտեմբերի 28-30) թենիսիստուհու առաջին ելույթը կլինի դստեր ծննդից հետո։
Ալեքսիս Օհանյանի ու Սերենա Ուիլյամսի փոքրիկը` Օլիմպիան, ծնվել է սեպտեմբերի 1-ին։