ԵՐԵՎԱՆ, 25 դեկտեմբերի — Sputnik. Հայաստանի խանութներում 2018 թվականի հուլիսից մսի թարմությունը հնարավոր կլինի ստուգել սմարթֆոնի օգնությամբ։ Այս մասին այսօր լրագրողներին ասաց Հայաստանի Հանրապետության գյուղատնտեսության նախարարության սննդամթերքի անվտանգության պետական ծառայության պետ Իշխան Կարապետյանը։
Այդ նպատակով տեսանելի վայրում հատուկ շտրիխ-կոդ կտեղադրվի։
2018 թվականի հուլիսի 1-ից շուկայում, խանութում և հասարակական սննդի կետում կարգելվի ցանկացած մսի վաճառք առանց այդ հավաստագրի։ Այն պետք է փակցված լինի տեսանելի հատվածում։ Ընդ որում, տեղեկանքի ժամկետը երեք օր է, որպեսզի վաճառողները հնացած մթերք չվաճառեն։
Նույն թղթի վրա կլինի նաև շտիխ-կոդ, որպեսզի գնորդը կարողանա սմարթֆոնը մոտեցնել և QR կոդի միջոցով տեսնել` երբ է կատարվել մորթը և ստուգել ամսաթիվը։
