ԵՐԵՎԱՆ, 24 դեկտեմբերի — Sputnik. Հայաստանի հավաքականի ավագ, «Մանչեսթեր Յունայթեդի» կիսապաշտպան Հենրիխ Մխիթարյանի վերադարձը Դորտմունդի «Բորուսիա» գրեթե բացառվում է: Սա կարելի է ենթադրել «Բորուսիայի» գլխավոր տնօրեն Հանս-Իոահիմ Վատցկեի հայտարարություններից, որոնք նա արել է գերմանական Bild am Sonntag շաբաթաթերթի հետ հարցազրույցում։
Նրա խոսքով՝ Մխիթարյանի վերադարձը քիչ հավանական է, առաջին հերթին՝ ֆինանսական պատճառներով։
«Ես բոլորից լավ գիտեմ «Մանչեսթեր Յունայթեդ» անցման ֆինանսական կողմի մանրամասները։ Դրա համար նրա վերադարձի մասին կարելի է խոսել միայն երևակայության կիրառմամբ», — ասել է նա։
Վերջերս հայ ֆուտբոլիստ Հենրիխ Մխիթարյանը «Մանչեսթեր Յունայթեդում» լուրջ խնիրներ ունի։ Ամենայն հավանականությամբ՝ ձմռանը կիսապաշտպանը կլքի «կարմիր սատանաներին»։ Նրա ծայառություններով հետաքրքրված է նաև Միլանի «Ինտերը»:
Անգլիական ակումբը պատրաստ է Մխիթարյանից բաժանվել 35 միլիոն ֆունտ ստեռլինգի դիմաց։
