ԵՐԵՎԱՆ, 24 դեկտեմբերի- Sputnik. Էլինա Մազուրը՝ Արմեն Ջիգարխանյանի նախկին կնոջ ներկայացուցիչը, որոշել է սենսացիոն հայտարարություն անել ռուսական ՆՏՎ հետուստաալիքի եթերում:
«Նա ինձ վարձել էր, որպեսզի Արմեն Բորիսովիչին թալանենք, թողնենք «մի շապիկով»…Բաժանությունից հետո խեղճ ծերուկը մնաց առանց ոչինչի, կողոպտված»,-ասել է նա:
Մազուրը հաստատել է, որ իր ու Վիտալինայի կապը պայմանավորված էր Արմեն Բորիսովիչին մինչև վերջ թալանելու մտադրությամբ:
«Վիտալինայի արարքը դավաճանություն և ստորություն է: Այդ 2 բանը ես չեմ կարող ներել»,-ավելացրել է նա:
Մազուրը որոշել է բացահայտել իրենց պլանը, քանի որ իրեն ևս դավաճանել են:
Մինչ երկրով մեկ կհնչի Մազուրի մեղադրանքը, Վիտալինային խարդախությամ մեջ դեռ չեն մեղադրել:
Ավելի վաղ Ցիմբալյուկ- Ռոմանովսկայայի փաստաբանը՝ Լարիսա Շիրոկովան, մեկնաբանելով ԶԼՄ-ների հրապարակումները, ասել էր, որ իր պաշտպանյալին անհիմն լուրջ հանցանքների մեջ են մեղադրում:
Վիտալինայի օգնական Էլինա Մազուրը որոշ ժամանակ անց հրաժարվել էր նրան պաշտպանելու գործից՝ իր քայլը մեկնաբանելով սպասվող բազմաթիվ դատական պրոցեսներով:
