ԵՐԵՎԱՆ, 24 դեկտեմբերի — Sputnik. Հայտնի հումորիստ, «Առաջին ալիքի» հաղորդավար Մաքսիմ Գալկինը զարմացրել է հայերենի իր իմացությամբ։
Նա արտասանել է Եղիշե Չարենցի «Ես իմ անուշ Հայաստանի» բանաստեղծությունից մի հատված, նաև «Կլորիկ թմբլիկ նապաստակ, ինչ ես նստել թփի տակ» մանկական ոտանավորը։
Ռուսական էստրադայի պրիմադոնայի ամուսինը նաև սրամտորեն պատասխանում էր գործընկերների կատակներին ու որոշել էր բնութագրել Գարիկ Մարտիրոսյանին։
«Դու կարողանում ես որևէ մեկի վերաբերյալ նրբանկատորեն կատակել ու այնպես ես դա անում, որ ոչ ոքի չվիրավորես, որպեսզի ոչ ոք քեզ չծեծի», — ասել է Գալկինը։ Ինչին Ուրգանտը պատասխանել է․«Ասեմ ավելին՝ նրա մեքենան միշտ պատրաստ սպասում է փախուստի»։
Մարտիրոսյանն իրեն չի կորցրել ու հավելել է, որ բացի այդ, նա միշտ ձեռքի տակ «Մոսկվա-Երևան» տոմս ունի, որպեսզի հարկ եղած դեպքում անմիջապես կարողանա մեկնել Շերենետևո օդանավակայանից։
Իսկ Գալկինը նշել է, որ,եթե հանկարծ արտաքին գործերի նախարար Սերգեյ Լավրովը հոգնի իր աշխատանքից, ապա հենց Մարտիրոսյանը պետք է փոխարինի քաղաքական գործչին։
Վերջին հաղոդման ընթացքում հաղորդավարները բուռն կերպով ֆուտբոլն էին քննակում։ Մարտիրոսյանը ֆուտբոլային թեմայով երգ կատարեց՝ Իվան Ուրգանտի նվագակցությամբ։ Նրանք Միխայիլ Բոյարսկու հայտնի «Կոնստանցիա» երգի բառերը փոխել էին ու նվիրել էին այն ռուս ֆուտբոլիստներին։
Մարտիրոսյանը հավելել է՝ կուզեր, որ ռուս ֆուտբոլիստերն այս «զվարճալի» երգը լսեն ու հաջորդ անգամ հաղթանակ տոնեն։
