ԵՐԵՎԱՆ, 23 դեկտեմբերի – Sputnik. Հանրապետության տարածքում դեկտեմբերի 23-24-ը, 25-ի գիշերը շրջանների զգալի մասում ժամանակ առ ժամանակ, դադարներով, սպասվում են տեղումներ և մառախուղ: 25-ի ցերեկը, 26-27-ը սպասվում է առանց տեղումների եղանակ: Այս մասին հայտնում է «Հիդրոմետ» ծառայությունը։
Քամին կլինի հարավարևմտյան՝ 3-8 մ/վ արագության, դեկտեմբերի 22-24-ն առանձին շրջաններում սպասվում է քամու ուժգնացում՝ 20-25 մ/վ:
«Օդի ջերմաստիճանը դեկտեմբերի 26-27-ի գիշերը կնվազի 2-3 աստիճանով»,- նշված է հաղորդագրության մեջ:
Երևանում դեկտեմբերի 23-24-ը, 25-ի գիշերը ժամանակ առ ժամանակ դադարներով սպասվում են տեղումներ և մառախուղ: Դեկտեմբերի 25-ի ցերեկը, 26-27-ը սպասվում է առանց տեղումների եղանակ, 22-24-ը սպասվում է քամու ուժգնացում՝ 15-20 մ/վ:
Այսօր` դեկտեմբերի 23-ին, մայրաքաղաքում օդի ջերմաստիճանը ցերեկային ժամերին կկազմի 6-8, գիշերային ժամերին` 0-2 աստիճան տաքություն։