ԵՐԵՎԱՆ, 23 դեկտեմբերի — Sputnik. Այսօր ժամը 14։50-ի սահմաններում թիվ 37 երթուղին սպասարկող Higer մակնիշի 4785 Տ համարանիշի ավտոմեքենայի վարորդը դեռևս անհայտ պայմաններում Կոմիտասի պողոտայում դուրս է եկել ճանապարհի երթևեկելի գոտուց, բախվել գովազդային վահանակին, հայտնվել հետիոտնի համար նախատեսված մայթին։
Այնուհետև մոտ 250 մետր առաջ ընթանալով՝ ավտոբուսը բախվել է ծառին։
Ինչպես հայտնում է shamshan.com-ը, ըստ նախնական տեղեկությունների, բարեբախտաբար, զոհեր և վիրավորներ չկան։
Նշվում է, որ վարորդը 36 տարեկան Արտակ Գաբրիելյանն է։
