ԵՐԵՎԱՆ, 22 դեկտեմբերի — Sputnik. ԽՍՀՄ ժողովրդական արտիստ Արմեն Ջիգարխանյանը խոստովանել է, որ նրա միակ ցանկությունը նախկին կնոջը` Վիտալինային պատժելն է։ Այս մասին դերասանը հայտնել է «Մոսկովսկի Կոմսոմոլեց» պարբերականին։
«Ես կին ունեի, հինա չունեմ ու` փառք Աստծու։ Ես մի զազրելի, զզվելի ցանկությունն ունեմ` խստորեն պատժել նրան», – խոստովանել է Ջիգարխանյանը։
Դերասանն անկեղծորեն խոստովանել է, որ առաջին անգամ չգիտի` ինչ անել։ Նրա խոսքով` նա փողերը չի ափսոսում, ավելի կարևոր է` ինչպես է նախկին կինը խլել դրանք։
«Այդպես անտաշավարի։ Խաբեություն, դավաճանություն։ Ասեիր, որ գումար է պետք` ես կճարեմ… Բայց ոչ այդպես», – բողոքում է Ջիգարխանյանը։
Ընդ որում` ժողովրդի սիրելի դերասանը մտադիր է դատարանի միջոցով ուզածին հասնել` այլևս հույսը չդնելով անձնական կապերի վրա։ Ջիգարխանյանը համոզված է, որ եթ Վիտալինան այդպիսի խաբեություների է դիմել, ապա հարց առանց դատարանի չի լուծվի։
«Տարիներ առաջ մեզ մոտ` Երևանում, հայկական եկեղեցում հաշվապահ կար, նա գողացել էր բոլոր փողերը։ Նրան բռնացրել էին, գնացել էին կաթողիկոսի մոտ ասեցին`նրան պետք է դատել։ «Պետք չէ` ես ասացի, կանիծվես»։ Ոչ, ոչ, ես համաձայն եմ, այս դեպքում ես նույնիսկ խնդրելու եմ, որ Վիտալինային բանտակեն։ Նրանից պետք է վախենալ», – նշեց նա։
Ըդն որում` ժողովրդական արտիստը հրաժարվել է բանակցությունների գնալ ու փորձել պայմանավորվել ունեցվածքը կիսելու մասին։ Նրա կարծիքով` նախկին կնոջ հետ կապված ցանկացած հարց նա պետք է դատարանի միջոցով լուծի` նրա հետ անձամբ չհանդիպելու համար։
«Ես երբեք այդ մարդկանց հետ չեմ խոսելու։ Ամեն ինչ պետք է օրենքով լինի. եթե ինչ–որ բան իմն է, ապա կստանամ դա։ Եթե չէ, ուրեմն` չէ», – ընդգծել է Ջիգարխանյանը։
