ԵՐԵՎԱՆ, 21 դեկտեմբերի — Sputnik. Պոլսի պատրիարքի նախկին փոխանորդ, արքիեպիսկոպոս Արամ Աթեշյանը մշտապես ստում է, այսօր Sputnik Արմենիայի թղթակցի հետ զրուցյում ասել է «Ակոս» թերթի հայկական բաժնի խմբագրապետ Բագրատ Էստուկյանը։
Լրագրողի խոսքով` Արամ Աթեշյանի առանձնահատկություններից է ուրիշների ձեռքբերումներն իրեն վերագրելն է։
«Այն ամենն, ինչ նա ասում է` մեծ սուտ է։ Էրդողանին մոտ մարդը չի կարող մտածել Թուրքիայի հայերի բարօրության մասին», – նշեց Էստուկյանը։
Նա կրկնում է` Աթեշյանը Էրդողանի հետ ընկերություն անելու մեջ վատ բան չի տեսնում ու գլուխ է գովում, որ իբր այդ կապերի շնորհիվ ինքը Թուրքիայի հայ համայնքի ու Հայաստանի օգտին մեծ բաներ է արել։
Աթեշյան այսօր Երևանում լրագրողներին հայտնել է, որ փոխնորդի պաշտոնում 8 տարի շարունակ նա շատ բան է արել Թուրքիայի հայերի, նաև հայկական եկեղեցու համար։ Ըդդ որւմ, նա բողոքել է, որ ոչ ոք դա չի հիշում։ Աթեշյանի խոսքով` նրա շնորհիվ Աղթամար կղզու վանքում ժամերգություն է անցկացվել, Թուրքիայի տարածքում գտնվող հայկական եկեղեցիներից մեկը վերականգնվել է և այլն։
Արքեպիսկոպոսը նաև մեկնաբանել է Թուրքիայի հայ պատրիարքի առաջիկա ընտրությունների հետ կապված աղմուկը։ Նրա խոսքով` այդ ընտրությունները չեն կայանա` Թուրքիայի իշխանությունները թույլ չեն տա։ Ավելին` Աթեշյանը հայտնել է, որ Թուրքիայի իշխանությունները նրան կոչ են անում վերադառնալ փոխանորդի պաշտոնին, իսկ գործող փոխանորդ Բեքչյանին հանել պաշտոնից, քանի որ «նա ըստ կանոնների չի ընտրվել»։
Էստուկյանն իր հերթին կարծում է, որ եթե Աթեշյանը իր նախկին պաշտոնի վերադառա, Ստամբուլի հայերը կբողոքեն ու նրան չեն ճանաչի։
«Մեզ` Ստամբուլի հայերիս համար փոխանորդ Գարեգին Բեքչյանի հրաժարականը մեծ կորուստ կլինի», –ասաց Էստուկյանը։
