ԵՐԵՎԱՆ, 21 դեկտեմբերի — Sputnik. Ռուսական էստրադայի հայազգի երգիչ Աբրահամ Ռուսոն այլևս չի ուզում բաժանվել կնոջից` հայտարարելով, որ իր երեխաներն արժանի են լիարժեք ընտանիք ունենալու։ Այդ մասին հաղորդում StarHit–ը։
«Հիմա մենք Մորելայի հետ նստել ենք բանակցությունների սեղանի շուրջ։ Ես հասկացա, որ չեմ ցանկանում ամուսնալուծվել», – ասաց երգիչը։
Ռուսոն նշել է, որ ամուսինների միջև շատ են լինում խնդիրներ և տարաձայնություններ, բայց ամեն ինչ կարելի է լուծել։
«Ես երկու օր անցկացրել եմ դստրիկներիս հետ։ Վերջապես հանգիստ զբոսնել ենք քաղաքում, ընթրել, ես ժամերով խաղացել եմ նրանց հետ մեր տանը։ Նրանք արժանի են լիարժեք ընտանիքի», – ասել է Ռուսոն։
Ռուսոն հայտարարել է Մորելայից բաժանվելու մտադրության մասին 2017թ–ի աշնանը։ Նրանք 12 տարի է ամուսնացած են։ Սկանդալը ծագել է մի քանի ամիս առաջ, երբ Մորելան հայտարարել է, որ ամուսինը ուրիշ կին է գտել և լքել իրեն ու երկու աղջիկներին։
Բացի այդ, Մորելան մասնակցել է հայտնի թոք–շոուին և հայտարարել, որ ամուսինն ուժ չի գտել իր մեջ` խնդիրների մասին խոսելու, դրա փոխարեն որոշել է հայտարարել իր որոշման մասին երկրով մեկ։ Զույգը հրապարակավ փոխադարձ մեղադրանքներով և վիրավորանքներով է հանդես եկել։
