ԵՐԵՎԱՆ, 10 դեկտեմբերի — Sputnik. Հայտնի երգիչ Աբրահամ Ռուսոն Դմիտրի Շեպելևի «Իրականում» հաղորդման եթերում խոստովանել է, որ դավաճանել է կնոջը:
Ստի դետեկտորը ցույց էր տալիս` ճիշտ են արդյոք Ռուսոյին ուղղված հարցերի պատասխանները:
Երգիչը նաև պատմեց, որ նա միջոցներ չունի Ամերիկայում ապրող ընտանիքին ապահովելու համար: Շքեղ տան համար (որտեղ ապրում է Ֆերդմանը երեխաների հետ) վճարվող հարկերը շատ մեծ են:
«Բոլորս հասկանում ենք, որ շոու բիզնեսն իր բարդություններն ունի: Չի նշանակում, որ ես գումար չեմ վաստակում, բայց ես հարյուր հազարավոր դոլարներ չունեմ», — հայտարարեց երգիչը:
Մորելան ստուդիային միացավ տեսակապի միջոցով:
«Աբրահամը ամուսնալուծության է դիմել, փաստաբան վարձել: Ես նույնիսկ տեղյակ չէի: Դստեր ծնվելուց հետո վերջին երեք տարվա ընթացքում նա դեպի վատն է փոխվել», — հայտարարեց երգչի կինը:
Զրույցի ընթացքում երգիչը լքեց ստուդիան, բայց շուտով վերադարձավ և հայտնեց, որ ուզում է մոռանալ բոլոր վիրավորանքներն ու հաշտվել կնոջ հետ:
Սակայն Մորելան հայտարարեց, որ պատրաստվում է ամուսնալուծվել և նրանից ալիմենտ պահանջել երեխաներին պահելու համար: Ասաց, որ պատրաստ չէ ներել դավաճանած ամուսնուն:
Աբրահամ Ռուսոն և Մորելա Ֆերդմանը միասին են արդեն 13 տարի: 2006 թվականին երգչի վրա հարձակում էր իրականացվել, ինչից հետո նա հրաշքով ողջ մնաց: Հարազատների կյանքի համար մտահոգվելով` ընտանիքի հետ մեկնեց Ամերիկա և բնակություն հաստատեց Նյու Յորքում: 2009 թվականին նա վերադարձավ իր համերգային գործունեությանը:
