ԵՐԵՎԱՆ, 19 դեկտեմբերի – Sputnik. Դեկտեմբերի 19-ին Հայաստան կայցելի ՌԴ ՊՆ փորձագետների աշխատանքային խումբը։ Այս մասին հայտնում է ՀՀ պաշտպանության նախարարության մամուլի ծառայությունը։
«Հայաստանի Հանրապետության և Ռուսաստանի Դաշնության կառավարությունների միջև ռազմական սուրհանդակային փոստային կապի բնագավառում համագործակցության համաձայնագրում փոփոխություններ կատարելու մասին արձանագրության նախագծի վերջնական քննարկման նպատակով դեկտեմբերի 19-ից 22-ը Հայաստան կայցելի ՌԴ պաշտպանության նախարարության փորձագետների աշխատանքային խումբը»,- նշված է հաղորդագրության մեջ:
Հոկտեմբերի ընթացքում Հայաստանի կառավարությունը հավանություն է տվել արձանագրության ստորագրմանը, համաձայն որի՝ համաձայնագրի իրականացման համար պատասխանատու լիազոր մարմինները երկու երկրների պաշտպանական գերատեսչություններն են:
