ԵՐԵՎԱՆ, 19 դեկտեմբերի — Sputnik. Հայ գրոսմայստեր Լևոն Արոնյանը կցանկանար «յուղոտ միջակետ» դնել աշխարհի արագ և կայծակնային շախմատի գալիք առաջնություններում։ Այդ մասին նա հայտարարել է «Ռ–Սպորտ» գործակալությանը` նշելով, որ անցնող տարին ամենահաջողակներից մեկն է եղել է իր շախմատային կարիերայում։
Արոնյանը 2017թ–ին նվաճել է աշխարհի գավաթը` ստանալով հաջորդ տարի հավակնորդների մրցաշարում ելույթ ունենալու իրավունք։ Բեռլինում կայանալիք թեկնածուական մրցաշարի հաղթողը տարվա վերջին տիտղոսային խաղ կխաղա աշխարհի չեմպիոն, նորվեգացի Մագնուս Կառլսենի հետ։ Արագ և կայծակնային շախմատի աշխարհի առաջնությունները տեղի կունենան Սաուդյան Արաբիայում դեկտեմբերի 24-31–ը։
«Անկասկած, այս տարին իմ կարիերայի ամենալավ տարիներից էր. ես շատ գոհ եմ. այն վատ է սկսվել և բավական միջին ավարտվել, բայց մեջտեղը բավական լավն էր։ Ես ցանկանում եմ խոստումնալից «բազմակետեր» դնել արագ և կայծակնային շախմատի գալիք առաջնություններում», – հայտարարել է Արոնյանը։
Նա հույս է հայտնել, որ հաջորդ տարի լավ արդյունքներ կունենա, քանի որ իր ելույթները բավական կայուն են եղել։
«Այս տարի կնոջս հետ ընտանեկան կյանք եմ սկսել, նրա հետ արդեն երկար ժամանակ է հանդիպում էի։ Ես գտել եմ անհրաժեշտ մարդկանց, որոնց հետ հիմա համագործակցում եմ։ Ուստի 2018թ–ից սպասումներս լավն են։ Կարծում եմ` լավ է, երբ ինչ-որ մի բան տրամաբանորեն անցում է կատարում այլ փուլի», – ասել է նա։
Արոնյանը համարյա հավասար է գնահատում 2018թ–ի հավակնորդների մրցաշարի մասնակիցների հաջողության շանսերը։ Նրա խոսքով` շատ բան կախված կլինի մրցույթից և հենց խաղին նախապատրաստվելու որակից։
Հայ շախմատիստը 2017թ–ին նվաճել է աշխարհի գավաթը` ստանալով հաջորդ տարի հավակնորդների մրցաշարում հանդես գալու իրավունք։ Թեկնածուական մրցաշարի հաղթողը տարվա վերջին տիտղոսային խաղ կունենա աշխարհի չեմպիոն, նորվեգացի Մագնուս Կառլսենի հետ։
