ԵՐԵՎԱՆ, 18 դեկտեմբերի — Sputnik. «Մանչեսթեր Յունայթեդը» Հենրիխ Մխիթարյանին կվաճառի 35 միլիոն ֆունտ ստեռլինգով, գրում է Daily Mail-ը։
Անգլիական ակումբն արդեն կողմնորոշվել է Մխիթարյանին վաճառքի հանելու հարցում, սակայն բարձր գինը կարող է խանգարել Միլանի «Ինտեր» տեղափոխվելու համար։
Ֆինանսական fair play-ին համապատասխանելու համար իտալական ակումբը պետք է վաճառի մի քանի ֆուտբոլիստի։
Այսօր ԶԼՄ-ները հայտնել են, որ Մխիթարյանը «կանաչ լույս է վառել» Միլանի «Ինտեր» տեղափոխվելու համար։
Որոշ լրատվամիջոցներ նշում են նաև, որ Մոուրինյոն պատրաստ է ազատվել Հենրիխ Մխիթարյանից` նրա փոխարեն «Արսենալի» ֆուտբոլիստ Մեսութ Օզիլի հետ պայմանագիր կնքելու համար։
Ենթադրվում է նաև, որ Մխիթարյանը կարող է կարիերան շարունակել Դորտմունդի «Բորուսիայում», որը հաճախ է վերադարձնում նախկինում վաճառած իր աստղերին:
Վերջին անգամ Մխիթարյանը «ՄՅ»-ի կազմում դաշտ է դուրս եկել նոյեմբերի 25-ին` «Բրայթոնի» դեմ խաղում ընդամենը 20 րոպեով: Դրանից հետո Միկին այլևս խաղադաշտ դուրս չի եկել:
Հիշեցնենք, որ Մխիթարյանը մասնակցել է «ՄՅ» 15 խաղերում` Անգլիայի առաջնությունում և Չեմպիոնների լիգայում` դառնալով երկու գոլի 5 արդյունավետ փախանցման հեղինակ:
