ԵՐԵՎԱՆ, 18 դեկտեմբերի – Sputnik. «Մանչեսթեր Յունայթեդի» գլխավոր մարզիչ Ժոզե Մոուրինյոն «բանտ» է նետել Հենրիխ Մխիթարյանին. հայ ֆուտբոլիստի շուրջ ծավալված իրադարձություններն այսպես է մեկնաբանել Bein Sports հեռուստաընկերությունների ցանցը և ծաղրանկար հրապարակել։
«Կարո՞ղ է արդյոք Հենրիխը խուսափել Մոուրինյոյի բանտից»,- այսպես է վերնագրված Twitter-ում հրապարակված ծաղրանկարը։
Can @HenrikhMkh escape #Mourinho's jail?
— beIN SPORTS (@beINSPORTS) 16 декабря 2017 г.
For more cartoons ➡️ https://t.co/UHYuakjsVe #PL #MUFC #Mkhitaryan pic.twitter.com/Sob6uxigKs
Այսօր ԶԼՄ-ները հայտնել են, որ Մխիթարյանը «կանաչ լույս է վառել» Միլանի «Ինտեր» տեղափոխվելու համար։
Որոշ լրատվամիջոցներ նշում են նաև, որ Մոուրինյոն պատրաստ է ազատվել Հենրիխ Մխիթարյանից` նրա փոխարեն «Արսենալի» ֆուտբոլիստ Մեսութ Օզիլի հետ պայմանագիր կնքելու համար։
Ենթադրվում է նաև, որ Մխիթարյանը կարող է կարիերան շարունակել Դորտմունդի «Բորուսիայում», որը հաճախ է վերադարձնում նախկինում վաճառած իր աստղերին:
Վերջին անգամ Մխիթարյանը «ՄՅ»-ի կազմում դաշտ է դուրս եկել նոյեմբերի 25-ին` «Բրայթոնի» դեմ խաղում ընդամենը 20 րոպեով: Դրանից հետո Միկին այլևս խաղադաշտ դուրս չի եկել:
Հիշեցնենք, որ Մխիթարյանը մասնակցել է «ՄՅ» 15 խաղերում` Անգլիայի առաջնությունում և Չեմպիոնների լիգայում` դառնալով երկու գոլի 5 արդյունավետ փախանցման հեղինակ:
