ԵՐԵՎԱՆ, 16 դեկտեմբերի — Sputnik. Հայ Ձմեռ պապը շաբաթ օրը Յարոսլավի մարզի Ռիբինսկ քաղաք է մեկնել «Ձմեռ պապերի արշավ» միջոցառմանը մասնակցելու համար։ Այս մասին հայտնում է ՌԻԱ Նովոստին՝ հղում անելով Ռիբինսկի քաղաքապետարանին։
Հրաշագործ պապիկները մեծ շքերթ կանցկացնեն քաղաքի փողոցներում, և առաջին անգամ ռուսական Ձմեռ պապերին կմիանան նաև նրանց արտասահմանցի գործընկերները, որոնք իրենց ազգային ուտեստները կհյուրասիրեն միջոցառման հյուրերին։
Ձմեռ պապերի տոնը Ռիբինսկում ութերորդ անգամ է կազմակերպվում։ Նոր տարվա գլխավոր հերոսներ են ժամանում Գերմանիայից, Ֆինլանդիայից, Իտալիայից, Ֆրանսիայից, Լիտվայից, Վրաստանից, Հայաստանից, ԱՄՆ-ից։
Միջոցառման կազմակերպիչները որոշել են այս տարվա միջոցառումն անվանել «Համաշխարհային Նոր տարի»։
Տոնակատարության նախօրեին Ռիբինսկի փողոցներ են դուրս եկել սպորտային մոգերը, երիտասարդ Ձյունանուշիկներն ու ձյան փաթիլները։ Նրանք լուսանկարվել են քաղաքի ամենագեղեցիկ վայրերի ֆոնին։ Լուսանկարները հետագայում Ռիբինսկի շնորհավորական բացիկներ են դառնալու։
Այս տարի առաջին անգամ Ձմեռ պապերին կընկերակցեն Ձյունանուշիկները։ Նախատեսվում է նաև «բեբի-արշավ» ու 2018 թվականի խորհրդանիշների՝ շների հագուստով ցուցադրություն կազմակերպել։
