ԵՐԵՎԱՆ, 15 դեկտեմբերի — Sputnik. Դեկտեմբերի 15-ին` ժամը 03:00-ին, վերջույթների և գլխի բազմաթիվ կոտրվածքներով անհայտ աղջկա են գտել Հայաստանի Արագածոտնի մարզում, հայտնում է ՀՀ ԱԻՆ մամուլի ծառայությունը։
Տուժածին գտել են Աշտարակ քաղաքի Քասախի կիրճում` կամրջի տակ։ Փրկարարների օգնությամբ աղջկան տեղափոխել են «Աշտարակ» բժշկական կենտրոն, որտեղից ավելի ուշ ծանր վիճակում տեղափոխել են Երևան` «Արմենիա» ԲԿ։
Հիվանդանոցից Sputnik Արմենիային հայտնեցին, որ տուժածը 23 տարեկան է։ Ա.Չ.-ն այժմ կոմայի մեջ է, հիվանդի վիճակը գնահատվում է ծայրահեղ ծանր։ Բժիշկներն ախտորոշել են գլխի և մարմնի բազմաթիվ սալջարդներ, ինչպես նաև վերջույթների կոտրվածքներ։
