ԵՐԵՎԱՆ, 15 դեկտեմբերի — Sputnik. Խաղադաշտերի բացմանը մասնակցող ՀՖՖ նախագահ Ռուբեն Հայրապետյանը պատասխանեց շատերին անհանգստացնող Հենրիխ Մխիթարյանի վերաբերյալ հարցին.
«Հենրիխ Մխիթարյանը բարձրակարգ ֆուտբոլիստ է և նոր չէ, որ ապացուցել է դա: Ես համոզված եմ` նա շուտով կվերադառնա խաղադաշտ, ու մենք նորից կտեսնենք նրա կրակոտ խաղը: Նա պրոֆեսիոնալ է ու իր աշխատասիրությամբ մեծ բարձունքների է հասել: Ես համոզված եմ, որ թիմի կազմում նրա բացակայությունը մարզավիճակի հետ կապ չունի»:
Տարվա վերջում ավանդույթի համաձայն միշտ էլ որոշվում են լավագույն ֆուտբոլիստն ու մարզիչը: Սակայն այս տարի լավագույն մարզչի ընտրություն չի լինելու.«Անցյալ տարվա քվեարկությունից հետո, մենք ոռոգվեցինք, որ այս տարի չենք որոշելու լավագույն մարզչին:
Եթե հիշում եք հայկական «Մոուրինյոն» (Աբրահամ Խաշմանյան-խմբ.) անցյալ տարվա քվեարկությունից դժգոհ էր և նշում էր, որ անարդար քվեարկություն է եղել: Այսպիսի խոսակցություններից խուսափելու համար էլ որոշել ենք այս տարի նման քվեարկություն չանցկացնել»,–ասաց Հայրապետյանը:
